اُڈپی 12/جولائی (ایس او نیوز) ضلع اُڈپی کے کارکلا میں ایک پرائیویٹ ایکسپریس بس الٹ جانے کے نتیجے میں بس پر سوار قریب 30 مسافروں کو چوٹیں آئی ہیں۔ حادثہ جمعرات دوپہر کو کڈینجے نامی دیہات میں پیش آیا۔
بس کارکلا سے مینگلور کے لئے نکلی تھی کہ تیز رفتاری کے باعث بے قابو ہوکر اُلٹ گئی۔ بس ڈرائیور اور کنڈیکٹر سمیت قریب تیس لوگوں کو معمولی چوٹیں آئی ہیں، جن کو کارکلا اور منی پال اسپتال لے جاکر مرہم پٹی کرائی گئی ہے۔
کارکلا مضافاتی پولس تھانہ میں معاملہ درج کیا گیا ہے۔